A fagotista María José Rielo ofrecerá clases maxistrais na Escola de Altos Estudos Musicais os días 6 e 7 de febreiro de 2025. O primeiro día os horarios serán de 10h a 14h e de 16h a 20h, e o segundo día os horarios serán de 10h a 14h.
En total serán doce horas lectivas e aínda quedan prazas dispoñibles.
María José Rielo Blanco, premiada polo prestixioso concurso internacional ARD de Munich, é membro da Orquestra do Gran teatro do Liceu en Barcelona, profesora de fagot na Escola Nacional de Música de Cataluña (ESMUC) e é a primeira fagotista convidada da orquestra Münchner Kammerochester en Alemaña.
Colaborou con prestixiosas orquestras do panorama europeo como a Symphonierochester deas Bayerischen Rundfunks, Sächsische Staatskapelle Dresden, Die Deutsche Kammerphilharmonie Bremen, WDR Sinfoniorchester Köln, Scottish Chamber Orchestra, Accademia Nazionale dei Santa Cecilia, European Philharmonic, Mahler Chamber Orchestra ou a Orquestra Mozart onde traballou baixo prestixiosas batutas como a de Claudio Abbado, Mariss Jansons, Herbert Blomstedt, Gustavo Dudamel entre outros moitos.
