A Escola de Altos Estudos Musicais presenta a súa oferta de clases maxistrais para os vindeiros meses de febreiro e marzo.

Estas clases, impartidas por solistas de recoñecido prestixio internacional, celebraranse nos próximos meses na sede da Escola para alumnos de violonchelo, clarinete, frauta, fagot, violín e viola.

Deste xeito, estarán na EAEM o violonchelista Ángel Luis Quintana os días 16 e 17 de febreiro, o clarinetista Eduardo R. Beltrán os días 23 e 24 de febreiro e a frautista Christina Fassbbender os días 16 e 17 de marzo. Os días 23 e 24 de marzo coincidirán o fagotista Carlos Tarancón e a violinista Raquel Castro, deixando para o día seguinte, 25 de marzo, o violista Yuval Gotlibovich.

As clases maxistrais terán horarios reservados para o alumnado do Curso Superior de Especialización Orquestral.

A inscrición pódese realizar a través da páxina web da EAEM.

Máis información.

Podeche interesar