As probas do Curso de Corda para Nenos tiveron lugar o último sábado, 14 de decembro, en horario de mañá.
Este curso, destinado a nenos de entre 5 e 14 anos, realizarase de xaneiro a maio de 2025 e será impartido por profesorado da EAEM.
Durante o mesmo, o alumnado terá 10 horas de preparación individual mínimas repartidas ao longo do curso en sesións non inferiores a 30 minutos, así como 5 horas mínimas de actividades colectivas de agrupación instrumental. Como colofón, realizarase un concerto final de curso no que se interpretarán obras individuais e de conxunto.
Convén indicar que poderase formalizar a matrícula ata o día 31 de decembro abonando o importe de 225€.
