A Escola de Altos Estudos Musicais continúa o seu compromiso coa difusión musical a través do programa “A Escola na Cidade”, achegando o talento do alumnado ao público en distintos espazos de Santiago. Durante o mes de abril, o estudantado do Curso Avanzado de Especialización Orquestral protagonizará tres concertos de cámara que amosan o traballo artístico desenvolvido ao longo do curso.
O venres 10 de abril, ás 19:45h, a Sala Mozart do Auditorio de Galicia acollerá un preconcerto baixo a dirección do profesor Timur Sadikov, no que se interpretará o Quinteto de corda n.º 2 en sol maior, Op. 77 de Antonín Dvořák. Pola súa banda, o venres 17 de abril, ás 19:30h, a Residencia Universitaria Lemonade será o escenario dun concerto de cámara dirixido polo profesor Juan Ferrer, cun programa que inclúe Juego de ladrones (Suite para Quinteto Clásico de Vento Madeira) de Óscar Navarro e a Pequena peza de música de cámara para Quinteto de vento Op.24 nº 2 de Paul Hindemith.
Finalmente, o xoves 30 de abril, ás 19:45h, a Sala Mozart do Auditorio de Galicia volverá acoller un novo preconcerto, novamente baixo a guía de Timur Sadikov, no que se interpretarán o Cuarteto de corda nº 1 en Fa maior, Op. 18 de Ludwig van Beethoven e o Cuarteto de corda nº 7 en Fa menor, Op. 108 de Dmitri Shostakovich. Tres citas únicas para descubrir de preto a música de cámara e o talento emerxente.
