O alumnado do Curso Avanzado de Especialización Orquestral da Escola de Altos Estudos Musicais celebrará os seus Concertos de Fin de Curso no Paraninfo da Universidade de Santiago de Compostela os días 1, 2, 8, 9 e 10 de xuño de 2026, todos eles ás 19.30 horas.
A programación comezará o luns 1 de xuño coas actuacións de Carmen Bajo Jurado, frauta, que interpretará obras de Johann Sebastian Bach, André Jolivet e Philippe Gaubert, e Nicolás Concheiro Veleiro, violonchelo, con obras de Enrico Mainardi e Paul Hindemith.
O martes 2 de xuño será a quenda de Lola Olmo, percusión, que ofrecerá un programa con obras de Russell Wharton, Peter Klatzow, Luis Tabuenca e Javier Álvarez, seguido de Javier Nicolás Casamayor Camacho, violonchelo, con obras de Joseph Haydn e Robert Schumann e Antonio Martín Hernández, clarinete, con obras de Johannes Brahms e Jean Françaix.
O luns 8 de xuño participarán Alberto López Bernal, trompa, con obras de Andrés Valero-Castells e Reinhold Gliere; Inmaculada Muedra Ventura, viola, con obras de Paul Hindemith e Manuel de Falla; e André Filipe Coutinho Silva, trompeta, que interpretará obras de Joseph Haydn.
O martes 9 de xuño actuarán Marie Esther Cooper Aubé, violín, con obras de Álvaro Lorente e Wolfgang Amadeus Mozart; Lia Theotonio, violín, con obras de Johann Sebastian Bach, Wolfgang Amadeus Mozart e Jean Sibelius; e Ana Lucía Pérez González, óboe, con obras de Antal Doráti e Fernando Buide del Real.
O ciclo pecharase o mércores 10 de xuño coas actuacións de Catarina Sofía Borges Barbosa, violín, con obras de Johann Sebastian Bach, Wolfgang Amadeus Mozart, Camille Saint-Saëns e Kaija Saariaho; Nicolás García Galaz, contrabaixo, con obras de Reinhold Gliere e Giovanni Bottesini; e Elena Rodríguez Oubiña, violín, con obras de Wolfgang Amadeus Mozart, Johannes Brahms e Serguéi Prokófiev.
