O músico santiagués André Cebrián ofreceu este venres, 20 de outubro, na Escola de Altos Estudos Musicais, clases maxistrais a alumnos e alumnas da escola. Unhas claes que tiveron carácter aberto para todos aqueles que desexaron asistir, obtendo grande afluencia.
Cebrián foi alumno da EAEM e é frauta solista coa Orquestra de Cámara de Escocia.
Precisamente André é o solista convidado esta semana coa Real Filharmonía de Galicia, que, baixo a batuta de la principal directora convidada da RFG, Joana Carneiro, actúa no Teatro Afundación de Vigo, no Auditorio de Galicia de Santiago e no Círculo das Artes de Lugo. No programa interprétase a estrea en España de Viaxe para frauta e corda de John Corigliano, e o Concerto núm. 1 para frauta e corda, op. 75, de Moisei Samuilovich Weinberg.
