Publícanse os días das probas de acceso ao Curso de Especialización Instrumental

A Escola de Altos Estudos Musicais fai públicos os días das probas de selección do Curso de Especialización Instrumental que se celebrarán o 10 e 11 de xuño.

O prazo de solicitudes está aberto ata o 29 de maio, polo que a partir desa data publicaranse os horarios definitivos. No caso de ser seleccionado, o alumnado terá ata o 19 de xuño para formalizar a matrícula de 300 euros, ben nun prazo, ou ben en dous, sendo a data límite para o segundo pagamento o 15 de setembro.

No apartado do CEI da nosa web pódese atopar toda a información referida ao curso así como a ligazón de inscrición.

Os horarios serán os seguintes:

SÁBADO 10

Horario de mañá:

Viola / Violonchelo / Oboe / Clarinete / Percusión

Horario de tarde:

Trombón / Trompeta / Frauta / Fagot

DOMINGO 11

Horario de mañá:

Trompa / Contrabaixo / Violín

Os horarios definitivos publicaranse ao finalizar o prazo de inscrición ao curso o día 29 de maio.

Os aspirantes deberán presentarse media hora antes do comezo das respectivas probas co DNI ou outro documento acreditativo.