Escola de Altos Estudos Musicais
A Escola de Altos Estudos Musicais presenta a súa oferta de clases maxistrais para os meses de febreiro, marzo, abril e maio.
Estas clases, impartidas por solistas de recoñecido prestixio internacional, realizaranse os próximos meses na sede da Escola para alumnado de frauta, violoncelo, violín, viola e percusión.
As clases estarán a cargo dos frautistas Matthiriu Gauci-Ancelin e Cristina Fassbender o 29 de febreiro e o 1 de marzo, a violoncellista Suzana Stefanovic o 8 e 9 de marzo, a violinista Raquel Castro os días 4, 5 e 6 de abril o violista Mateusz Stato o 25 e o 26 do mesmo mes e pechará o ciclo o percusionista Iñaki Martín os días 22 e 23 de maio.
As clases maxistrais terán horarios reservados para os alumnos do Curso Avanzado de Especialización Orquestral.
