O curso de posgrao Curso Superior de Especialización Orquestral está dirixido a todos aqueles estudantes que remataron os seus estudos e teñan o obxectivo de formar parte dunha orquestra profesional.
O curso responde á realidade profesional cada vez máis esixente que supón a formación de alto nivel. Apoiado polos solistas da Real Filharmónia de Galicia (RFG), o alumnado ten a oportunidade de estar en contacto directo e traballar con músicos profesionais, adquirindo non só a técnica complexa e a formación progresiva dos seus propios criterios musicais, senón tamén as ferramentas de relación social e intercambio de ideas entre os propios instrumentistas e os directores dos diferentes programas.
